Mga Awit 17:3-5

Magandang Balita Biblia

³ Kaibuturan ng puso ko ay iyong nababatid,
    kahit sa gabi'y ikaw sa aki'y nagmamasid.
    Siniyasat mo ako at napatunayang matuwid,
    walang kasamaan maging sa aking bibig.
⁴ Ang salita ko nga'y tapat, di tulad ng karamihan;
    tapat akong sumusunod sa utos mong ibinigay,
    ako ay umiiwas sa landas ng karahasan.
⁵ Lagi kong nilalakaran ang iyong daan,
    hindi ako lumihis doon kahit kailan.