Mga Awit 40:9-11

Ang Biblia (1978)

⁹ Ako'y nagpahayag ng mabuting balita ng katuwiran ^(A)sa dakilang kapisanan;
Narito, hindi ko pipigilin ang aking mga labi,
Oh Panginoon, iyong nalalaman.
¹⁰ Hindi ko ikinubli ang iyong katuwiran sa loob ng aking puso;
Aking ibinalita ang iyong pagtatapat, at ang iyong pagliligtas:
Hindi ko inilihim ang iyong kagandahang-loob at ang iyong katotohanan sa dakilang kapisanan.
¹¹ Huwag mong pigilin sa akin ang iyong mga malumanay na kaawaan, Oh Panginoon:
Panatilihin mong lagi sa akin ang ^(B)iyong kagandahang-loob at ang iyong katotohanan.