Mga Bilang 23:7-9

Ang Biblia, 2001

“Mula sa Aram ay dinala ako rito ni Balak,
    na hari ng Moab, mula sa mga bundok ng silangan.
Pumarito ka, sumpain mo para sa akin ang Jacob.
    Pumarito ka, laitin mo ang Israel.
⁸ Paano ko susumpain ang hindi sinumpa ng Diyos?
    At paano ko lalaitin ang hindi nilait ng Panginoon?
⁹ Sapagkat mula sa tuktok ng mga bundok ay nakikita ko siya,
    at mula sa mga burol ay akin siyang natatanaw;
narito, siya'y isang bayang naninirahang mag-isa,
    at hindi ibinibilang ang sarili sa gitna ng mga bansa.