Mga Gawa 13:43-45

Ang Biblia (1978)

⁴³ Nang makaalis nga ang kapisanan sa sinagoga, marami sa mga Judio at nangaging-Judiong masisipag sa kabanalan ay nagsisunod kay Pablo at kay Bernabe; na, sa pagsasalita sa kanila, ay sila'y ^(A)hinimok na magsipanatili sa biyaya ng Dios.

⁴⁴ At nang sumunod na sabbath ay nagkatipon halos ang buong bayan upang pakinggan ang salita ng Dios.

⁴⁵ Datapuwa't nang makita ng mga Judio ang mga karamihan, ay ^(B)nangapuno ng kapanaghilian, at tinutulan ang mga bagay na sinalita ni Pablo, at nagsipamusong.