Mga Gawa 19:16-18

Magandang Balita Biblia

¹⁶ At sila'y nilundag ng lalaking sinasapian ng masamang espiritu, tinalo silang lahat at malubhang sinaktan, anupa't hubad at sugatan silang tumakas sa bahay na iyon.

¹⁷ Nabalitaan iyon ng lahat ng naninirahan sa Efeso, maging Judio o Hentil, kaya't natakot silang lahat at pinuri ang pangalan ng Panginoong Jesus. ¹⁸ Marami sa mga sumampalataya ang dumating at nagpahayag ng mga dati nilang gawain.