Mga Gawa 20:11-13

Ang Dating Biblia (1905)

¹¹ At nang siya'y makapanhik na, at mapagputolputol na ang tinapay, at makakain na, at makapagsalita sa kanila ng mahaba, hanggang sa sumikat ang araw, kaya't siya'y umalis.

¹² At kanilang dinalang buhay ang binata, at hindi kakaunti ang kanilang pagkaaliw.

¹³ Datapuwa't kami, na nangauna sa daong, ay nagsilayag na patungong Ason, na doon namin inaakalang ilulan si Pablo: sapagka't gayon ang kaniyang ipinasiya, na ninanasa niyang maglakad.