Mga Gawa 4:15-17

Ang Bagong Tipan: Filipino Standard Version

¹⁵ Kaya't pinalabas muna ng Sanhedrin ang dalawa bago sila nagpulong. ¹⁶ “Ano'ng gagawin natin sa mga taong ito?” tanong nila. “Alam na ng buong Jerusalem ang pambihirang himalang nangyari sa pamamagitan nila. Hindi na natin ito maikakaila. ¹⁷ Ngunit upang huwag nang lalo pa itong kumalat sa bayan, pagbawalan natin silang magsalita pa kaninuman tungkol sa pangalang ito.”