Mga Hebreo 8:10-12

Ang Biblia, 2001

¹⁰ Ito ang tipang aking gagawin sa sambahayan ni Israel
    pagkatapos ng mga araw na iyon, sabi ng Panginoon:
ilalagay ko ang aking mga kautusan sa kanilang pag-iisip,
    at isusulat ko ang mga iyon sa kanilang mga puso,
at ako'y magiging Diyos nila,
    at sila'y magiging bayan ko.
¹¹ At hindi magtuturo ang bawat isa sa kanila sa kanyang kababayan,
    o magsasabi ang bawat isa sa kanyang kapatid, ‘Kilalanin mo ang Panginoon,’
sapagkat ako'y makikilala nilang lahat,
    mula sa pinakahamak hanggang sa pinakadakila sa kanila.
¹² Sapagkat ako'y magiging mahabagin sa kanilang mga kasamaan,
    at ang kanilang mga kasalanan ay hindi ko na aalalahanin pa.”