Mga Hukom 18:11-13

Ang Biblia (1978)

Kinuha ng Danita ang mga larawan ni Michas, at kinuha ang lais.

¹¹ At umalis mula roon ang ilan sa angkan ng mga Danita, mula sa Sora at sa Esthaol, na anim na raang lalake na may sandata ng mga kasakbatan na pangdigma.

¹² At sila'y yumaon, at humantong sa ^(A)Chiriath-jearim, sa Juda; kaya't kanilang tinawag ang dakong yaon na Mahane-dan ^(B)hanggang sa araw na ito: narito, ito'y nasa likod ng Chiriath-jearim.

¹³ At sila'y nagdaan doon hanggang sa lupaing maburol ng Ephraim, at naparoon sa bahay ni Michas.