Mga Panaghoy 1:16-18

Ang Biblia, 2001

¹⁶ “Dahil sa mga bagay na ito ay umiiyak ako;
    ang mga mata ko ay dinadaluyan ng luha;
sapagkat ang mang-aaliw na dapat magpanumbalik ng aking katapangan
    ay malayo sa akin.
Ang mga anak ko ay mapanglaw,
    sapagkat nagwagi ang kaaway.”

¹⁷ Iniunat ng Zion ang kanyang mga kamay;
    ngunit walang umaliw sa kanya.
Nag-utos ang Panginoon laban sa Jacob,
    na ang kanyang mga kalapit ang dapat maging mga kalaban niya;
ang Jerusalem ay naging maruming bagay sa gitna nila.

¹⁸ “Ang Panginoon ay matuwid;
    sapagkat ako'y naghimagsik laban sa kanyang salita;
ngunit inyong pakinggan, ninyong lahat ng bayan,
    ang aking paghihirap ay inyong masdan,
ang aking mga dalaga at mga binata
    ay nasa pagkabihag.