Mga Panaghoy 1:9-11

Ang Biblia (1978)

⁹ Ang kaniyang karumihan ay nasa kaniyang mga laylayan; ^(A)hindi niya naalaala ang kaniyang huling wakas;
Kaya't siya'y nababa ng katakataka; siya'y walang mangaaliw;
Masdan mo, Oh Panginoon, ang aking pagdadalamhati; sapagka't ang kaaway ay nagmalaki.
¹⁰ Iginawad ng kalaban ang kaniyang kamay sa lahat niyang maligayang bagay;
Sapagka't nakita niya na ang mga bansa ay ^(B)pumasok sa kaniyang santuario,
^(C)Yaong mga inutusan mo na huwag magsipasok sa iyong kapisanan.
¹¹ Buong bayan niya ay nagbubuntong-hininga, sila'y nagsisihanap ng tinapay;
Ibinigay nila ang kanilang mga maligayang bagay na kapalit ng pagkain upang paginhawahin ang kaluluwa.
Iyong tingnan, Oh Panginoon, at masdan mo; sapagka't ako'y naging hamak.