Mga Panaghoy 2:5-7

Ang Biblia (1978)

⁵ Ang Panginoon ay naging parang kaaway, kaniyang nilamon ang Israel;
Kaniyang nilamon ang lahat niyang palacio, kaniyang iginiba ang kaniyang mga katibayan;
At kaniyang pinarami sa anak na babae ng Juda ang panangis at panaghoy.
⁶ At ^(A)kaniyang inalis na may karahasan ang tabernakulo niya na gaya ng nasa halamanan; kaniyang sinira ang kaniyang ^(B)mga dako ng kapulungan:
Ipinalimot ng Panginoon ang takdang kapulungan at ^(C)sabbath sa Sion,
At ^(D)hinamak sa pagiinit ng kaniyang galit ang hari at ang saserdote.
⁷ Iniwasak ng Panginoon ang kaniyang dambana, kaniyang kinayamutan ang kaniyang santuario;
Kaniyang ibinigay sa kamay ng kaaway ang mga pader ng kaniyang mga palacio:
^(E)Sila'y nangagingay sa bahay ng Panginoon, na parang kaarawan ng takdang kapulungan.