Mga Panaghoy 4:5-7

Ang Biblia, 2001

⁵ Silang nagpapakasawa sa pagkain
    ay namamatay sa mga lansangan.
Silang pinalaki sa kulay-ube ay nagsisihiga sa mga tapunan ng dumi.

⁶ Sapagkat^(A) ang kasamaan ng anak na babae ng aking bayan ay higit na mabigat
    kaysa parusa sa Sodoma,
na nagapi sa isang sandali,
    at walang mga kamay na humawak sa kanya.
⁷ Ang kanyang mga pangunahing tao ay higit na dalisay kaysa niyebe,
    higit na maputi kaysa gatas;
ang kanilang katawan ay higit na matipuno kaysa coral,
    ang ganda ng kanilang anyo ay parang zafiro.