Nahum 3:8-11

Ang Biblia (1978)

⁸ Ikaw baga'y mabuti pa sa Noamon, ^(A)na natatayo sa gitna ng mga ilog, na may tubig sa palibot niya; na ang katibaya'y ang dagat, at ang kaniyang kuta ay nasa dagat?

⁹ Etiopia at Egipto ang kaniyang mga naging katibayan, at walang hanggan; ^(B)Phut at ^(C)Lubim ang iyong mga naging katulong.

¹⁰ Gayon ma'y siya'y nadala, siya'y pumasok sa pagkabihag; ang kaniyang mga anak naman ay pinagputolputol sa dulo ng lahat ng mga lansangan; at pinagsapalaran ang kaniyang mga marangal na tao, at ang lahat niyang mahal na tao ay nangasabiran ng mga tanikala.

¹¹ Ikaw naman ay malalango; ikaw ay matatago; ikaw rin naman ay hahanap ng katibayan dahil sa kaaway.