Nahum 1:6-8

Magandang Balita Biblia

⁶Sino ang makakaligtas sa galit ni Yahweh?
Sino ang makakatagal sa kanyang matinding poot?
Bumubugang parang apoy ang kanyang poot.
Batong malalaki ay nadudurog dahil sa kanyang galit.

⁷Si Yahweh ay napakabuti;
matibay na kanlungan sa panahon ng kaguluhan.
Mga nananalig sa kanya'y kanyang inaalagaan.
⁸Tulad ng malaking baha, lubos niyang pupuksain ang kanyang mga kaaway,
at tutugisin sila hanggang mamatay.