Nehemias 13:5-7

Ang Biblia (1978)

⁵ Ay ipinaghanda siya ng isang malaking silid, na ^(A)kinasisidlan noong una ng mga handog na harina, ng mga kamangyan, at ng mga sisidlan, at ng mga ikasangpung bahagi ng trigo, ng alak, at ng langis, na nabigay sa pamamagitan ng utos sa mga Levita, at sa mga mangaawit, at sa mga tagatanod-pinto; at ang mga handog na itataas na ukol sa mga saserdote.

⁶ Nguni't sa buong panahong ito ay wala ako sa Jerusalem: ^(B)sapagka't sa ikatatlong pu't dalawang taon ni Artajerjes na ^(C)hari sa Babilonia ay naparoon ako sa hari, at pagkatapos ng ilang araw ay nagpaalam ako sa hari:

⁷ At ako'y naparoon sa Jerusalem, at naalaman ko ang kasamaang ginawa ni Eliasib tungkol kay Tobias, sa paghahanda niya sa kaniya ng isang silid sa mga looban ng bahay ng Dios.