Mga Bilang 5:11-15

Magandang Balita Biblia

Ang Tuntunin tungkol sa Pagtataksil at Pagseselos

¹¹ Sinabi ni Yahweh kay Moises, ¹² “Ito ang sabihin mo sa mga Israelita: Kung ang isang babae'y nagtaksil sa asawa, ¹³ nakipagtalik sa ibang lalaki ngunit walang katibayang maipakita laban sa kanya sapagkat hindi siya nahuli sa akto, ¹⁴ o kaya nama'y ang asawang lalaki'y naghihinala sa kanyang asawa kahit wala itong ginagawang masama, ¹⁵ ang babae ay dadalhin ng lalaki sa pari. Ang lalaki'y maghahandog ng kalahating salop ng harinang sebada. Ang handog na ito'y hindi bubuhusan ng langis ni sasamahan ng insenso sapagkat ito'y handog tungkol sa pagseselos, handog upang hilinging lumabas ang katotohanan.