Mga Bilang 35:10-15

Magandang Balita Biblia

¹⁰ “Sabihin mo sa mga Israelita: Pagtawid ninyo ng Ilog Jordan patungong Canaan, ¹¹ pumili kayo ng mga lunsod-kanlungan na matatakbuhan ng sinumang makapatay nang di sinasadya. ¹² Doon siya magtatago habang nililitis pa ang kanyang kaso upang huwag mapatay ng malapit na kamag-anak na gustong maghiganti. ¹³ Pumili kayo ng anim na lunsod-kanlungan; ¹⁴ tatlo sa silangan ng Jordan at tatlo sa Canaan. ¹⁵ Ang mga lunsod na ito'y maaaring pagtaguan ng sinumang makapatay nang di sinasadya, maging siya'y Israelita o isang dayuhan.