Obadias 8-10

Magandang Balita Biblia (with Deuterocanon)

⁸ Sinabi ni Yahweh:
“Darating ang araw na paparusahan ko ang Edom,
    lilipulin ko ang kanyang mga matatalinong tao,
    at ang kaalaman nila'y aking papawiin.
⁹ Mga mandirigma ng Teman ay pawang nasisindak,
    at ang mga kawal ng Edom ay malilipol na lahat.

¹⁰ “Dahil sa ginawa mong karahasan sa angkan ng kapatid mong si Jacob,
    sa kahihiya'y malalagay ka,
    at mahihiwalay sa akin magpakailanman.