Obadias 6-8

Magandang Balita Biblia

⁶ O lahi ni Esau, ang yaman mo'y sasamsamin;
    at ang lahat ng sa iyo'y kukuhanin.
⁷ Nilinlang ka ng iyong mga kapanalig,
    itinaboy ka mula sa iyong lupain.
Nasasakop ka na ngayon ng iyong mga kakampi.
    Ang iyong mga kaibigang noo'y kasalo, ngayo'y naglagay ng patibong para sa iyo;
    at kanila pang sinasabi, ‘Nasaan na ang kanyang katusuhan?’”
⁸ Sinabi ni Yahweh:
“Darating ang araw na paparusahan ko ang Edom,
    lilipulin ko ang kanyang mga matatalinong tao,
    at ang kaalaman nila'y aking papawiin.