Oseas 4:13-15

Ang Biblia (1978)

¹³ Sila'y nangaghahain sa mga taluktok ^(A)ng mga bundok, at nangagsusunog ng kamangyan sa mga burol, sa ilalim ng mga ^(B)encina at ng mga alamo at ng mga roble, sapagka't ang lilim ng mga yaon ay mabuti: kaya't ang inyong mga anak na babae ay nagpatutot, at ang inyong mga manugang na babae ay nangangalunya.

¹⁴ Hindi ko parurusahan ang inyong mga anak na babae pagka sila'y nagpatutot ni ang inyong mga manugang na babae man pagka sila'y nangangalunya; sapagka't ang mga lalake sa kanilang sarili ay nagsisiyaon kasama ng mga patutot, at sila'y nangaghahain na kasama ng mga patutot: at ang bayan na hindi nakakaalam ay nawawasak.

¹⁵ Bagaman ikaw, Oh Israel, ay nagpapatutot, gayon ma'y huwag ipagkasala ng Juda: at huwag kayong magsiparoon sa ^(C)Gilgal, ni magsisampa man kayo sa ^(D)Beth-aven, ^(E)ni magsisumpa man, Buhay ang Panginoon.