Oseas 7:14-16

Ang Biblia (1978)

¹⁴ At sila'y hindi nagsidaing ^(A)sa akin ng kanilang puso, kundi sila'y nagsiangal sa kanilang mga higaan: sila'y nagpupulong dahil sa trigo at alak; sila'y nanganghimagsik laban sa akin.

¹⁵ Bagaman aking tinuruan at pinalakas ang kanilang mga bisig, gayon ma'y nangagisip sila ng kalikuan laban sa akin.

¹⁶ Sila'y nanganunumbalik, nguni't hindi ^(B)sa kaniya na nasa kaitaasan: sila'y ^(C)parang magdarayang busog: ang kanilang mga prinsipe ay mangabubuwal sa pamamagitan ng tabak dahil sa poot ^(D)ng kanilang dila: ito ang magiging katuyaan sa kanila ^(E)sa lupain ng Egipto.