Mga Awit 89:38-51

Ang Biblia (1978)

³⁸ Nguni't iyong ^(A)itinakuwil at tinanggihan,
Ikaw ay napoot sa iyong pinahiran ng langis.
³⁹ Iyong kinayamutan ang tipan ng iyong lingkod:
^(B)Iyong nilapastangan ang kaniyang putong sa pagtatapon sa lupa.
^40 (C)Iyong ibinuwal ang lahat niyang mga bakod:
Iyong dinala sa pagkaguho ang kaniyang mga katibayan.
⁴¹ Lahat na nagsisidaan sa lansangan ay nagsisisamsam sa kaniya.
^(D)Siya'y naging kadustaan sa kaniyang mga kalapit.
⁴² Iyong itinaas ang kanan ng kaniyang mga kaaway;
Iyong pinagalak ang lahat niyang mga kaaway.
⁴³ Oo, iyong ibinaligtad ang talim ng kaniyang tabak,
At hindi mo itinayo siya sa pakikibaka.
⁴⁴ Iyong pinapaglikat ang kaniyang kakinangan.
At iyong ibinagsak ang kaniyang luklukan sa lupa.
^45 (E)Iyong pinaikli ang mga kaarawan ng kaniyang kabinataan:
Iyong tinakpan siya ng kahihiyan. (Selah)
^46 (F)Hanggang kailan, Oh Panginoon, magkukubli ka magpakailan man?
Hanggang kailan magniningas ang iyong poot na parang apoy?
^47 (G)Oh alalahanin mo kung gaano kaikli ang aking panahon:
Sa anong pagkawalang kabuluhan nilalang mo ang lahat ng mga anak ng mga tao.
⁴⁸ Sinong tao ang mabubuhay at hindi makakakita ng kamatayan,
Na magliligtas ng kaniyang kaluluwa sa kapangyarihan ng Sheol? (Selah)
⁴⁹ Panginoon, saan nandoon ang iyong dating mga kagandahang-loob,
^(H)Na iyong isinumpa kay David sa iyong pagtatapat?
^50 (I)Alalahanin mo Panginoon, ang kadustaan ng iyong mga lingkod;
Kung paanong taglay ko ^(J)sa aking sinapupunan ang pagdusta ng lahat na makapangyarihang bayan;
⁵¹ Na idinusta ng iyong mga kaaway, Oh Panginoon,
Na kanilang idinusta sa ^(K)mga bakas ng iyong pinahiran ng langis.