Mga Awit 10:12-18

Ang Biblia (1978)

¹² Bumangon ka, Oh Panginoon, Oh Dios, ^(A)itaas mo ang iyong kamay:
Huwag mong kalimutan ang dukha.
¹³ Bakit sinusumpa ng masama ang Dios,
At nagsasabi sa kaniyang puso: Hindi mo ^(B)sisiyasatin?
¹⁴ Iyong nakita; sapagka't iyong minamasdan ang pahirap at pangduduwahagi upang mapasa iyong kamay:
Ang walang nagkakandili ay napakukupkop ^(C)sa iyo; ^(D)Ikaw ay naging tagakandili sa ulila.
^15 (E)Baliin mo ang bisig ng masama:
At tungkol sa masamang tao, pag-usigin mo ang kaniyang kasamaan hanggang sa wala ka nang masumpungan.
¹⁶ Ang Panginoon ay ^(F)Hari magpakailan-kailan man.
Ang mga bansa ay nalilipol sa kaniyang lupain.
¹⁷ Panginoon, iyong narinig ang nasa ng mga maamo:
Iyong ihahanda ang kanilang puso, iyong pakikinggan ng iyong pakinig:
¹⁸ Upang ^(G)hatulan ang ulila at ang napipighati,
Upang huwag nang makapangilabot ang tao na taga lupa.