भजनसंग्रह 113-118

Nepali Bible: Easy-to-Read Version

¹ परमप्रभुको प्रशंसा गर!

परमप्रभुका दासहरू उहाँको प्रशंसा गर!
    परमप्रभुको नाउँको प्रशंसा गर।
² परमप्रभुको नाउँ अहिले
    र सदा-सर्वदालाई धन्य बनी रहोस्।
³ परमप्रभुको नाउँको प्रशंसा
    पूर्वमा सूर्य उदय हुने ठाउँदेखि पश्चिममा सूर्य अस्ताउने ठाँउ सम्म भइरहोस्।
⁴ परमप्रभु सबै जातिहरूभन्दा उच्च हुनुहुन्छ।
    उहाँको महिमा माथि स्वर्ग सम्म जान्छ।
⁵ कुनै मानिस पनि हाम्रो परमप्रभु परमेश्वर जस्तो छैन।
    परमेश्वरमाथि स्वर्गमा बस्नु हुन्छ।
⁶ परमेश्वर हामी भन्दा नित्तान्त माथि हुनुहुन्छ।
    उहाँले आकाश र पृथ्वी देख्न तल हेर्नुपर्छ।
⁷ परमेश्वरले हीन अवस्थाबाट गरीबहरूलाई माथि उठाउनु भयो।
    परमेश्वरले भिखारीहरूलाई मैला फ्याँक्ने ढवाङ्गबाट निकाल्नु भयो।
⁸ अनि परमेश्वरले ती मानिसहरूलाई मुल्यवान बनाउनु भयो।
    परमेश्वरले तिनीहरूलाई महत्वपूर्ण नेताहरू बनाउनु भयो।
⁹ एउटी स्त्रीको नानीहरू नहुन सक्लान
    तर परमेश्वरले तिनलाई छोरा-छोरीहरू दिएर सुखी तुल्याउनु हुनेछ!

परमप्रभुको प्रशंसा गर!

¹ इस्राएल ले मिश्र त्यागेर गए।
    याकूबले त्यो विदेशलाई त्यागेर गए।
² यहूदा परमेश्वरको खास मानिस भए।
    इस्राएल उसको राज्य हुन गयो।
³ लाल समुद्रले यो देखेर भाग्यो,
    यर्दन नदी उल्टा बग्न थाल्यो।
⁴ पर्वतहरू भेंडाहरूझै वरिपरि नाच्न थाले।
    पहाडहरू भेंडाका पाठाहरू जस्तै उफ्रन थाले।

⁵ लाल समुद्र, तिमी किन भागेर गयौं?
    यर्दन नदी, तिमी किन फर्केर भागी गयौ?
⁶ हे पर्वतहरू! तिमीहरू भेंडाहरू झैं किन खुशीले उफ्रियौ?
    अनि पहाडहरू! तिमीहरू किन भेंडाका पाठाहरू झै बुथ्रुक-बुथ्रुक उफ्रियौ?

⁷ हे पृथ्वी, याकूबको परमप्रभु परमेश्वर
    स्वामीको सामने थरहरी होऊ।
⁸ परमेश्वर नै हुन् जसले चट्टानबाट पानी बग्ने बनाउनु भयो।
    परमेश्वरले कडा चट्टानबाट झरना बहाउनु भयो।

¹ हे परमप्रभु, हामीले सम्मान पाउनु पर्ने होइन।
    तपाईंको प्रेम र विश्वासले गर्दा
    सम्मान तपाईंको मात्र हो।
² किन ती जातिहरू “हाम्रा परमप्रभु कहाँ छन्?” भनेर छक्क पर्दछन्।
³ परमप्रभु स्वर्गमा हुनुहुन्छ।
    अनि उहाँले आफ्नो चाहनाले जे पनि गर्न सक्नुहुन्छ।
⁴ ती सम्प्रदायहरूका “देवताहरू” सुन र चाँदीले बनिएका खाली मूर्तिहरू मात्र हुन्।
    तिनीहरू कुनै मानिसले बनाएका मूर्तिहरू मात्र हुन्।
⁵ ती मूर्तिहरूका मुखहरू छन्, तर बोल्न सक्दैनन्।
    तिनीहरूका आँखाहरू छन्, तर देख्न सक्दैनन्।
⁶ तिनीहरूका कानहरू छन्, तर सुन्न सक्दैनन्।
    तिनीहरूका नाकहरू छन्, तर सुँघ्न सक्तैनन्
⁷ तिनीहरूका हातहरू छन्, तर अनुभव गर्न सक्दैनन्
    तिनीहरूका खुट्टाहरू छन्, तर हिंड्न सक्दैनन्
    अनि कुनै स्वर-ध्वनिहरू उनीहरूका कण्ठबाट निकाल्न सक्तैनन्।
⁸ ती मानिसहरू जसले तिनीहरूलाई बनाउँछन् र तिनीहरूमाथि भरोसा गर्छन्,
    तिनीहरू त्यस्तै हुन्छन्!

⁹ हे इस्राएल का मानिसहरू, परमप्रभुमाथि भरोसा गर!
    परमप्रभु तिनीहरूका बल र ढाल हुन्।
¹⁰ हारूनका परिवारहरू, परमप्रभुमाथि भरोसा राख!
    परमप्रभु तिनीहरूका बल र ढाल हुनुहुन्छ।
¹¹ हे परमप्रभुका अनुयायीहरू, परमप्रभुमाथि भरोसा गर!
    परमप्रभु तिनीहरूका बल र ढाल हुन्।

¹² परमप्रभुले हामीलाई सम्झनुहुन्छ।
    परमप्रभुले हामीलाई आशीर्वाद दिनुहुन्छ।
परमप्रभुले इस्राएल लाई आशीर्वाद दिनुहुनेछ।
    परमप्रभुले हारूनका परिवारलाई आशीर्वाद दिनुहुनेछ।
¹³ महान् र क्षुद्र दुवैलाई आशीर्वाद दिनुहुनेछ।
    परमप्रभुले आफ्ना भक्तहरूलाई आशीर्वाद दिनुहुनेछ।

¹⁴ परमप्रभुले तिमीहरूका छोरा-छोरीहरूलाई
    धेरै भन्दा धेरै नै आशिर्वाद दिऊन्।
¹⁵ परमप्रभु जसले स्वर्ग र पृथ्वी बनाउनु भयो,
    तिमीहरूलाई आशीर्वाद दिऊन्!
¹⁶ स्वर्ग परमप्रभुको अधिकारमा छ।
    तर पृथ्वी उहाँले मानिसहरूका अधिकारमा दिनु भयो।
¹⁷ मरेका मानिसहरूले परमप्रभुको प्रशंसा गर्दैनन्।
    चिहान भित्र भएका मानिसहरूले परमप्रभुको प्रशंसा गर्दैनन्।
¹⁸ तर हामी अहिले परमप्रभुको प्रशंसा गर्छौं,
    अनि हामी उहाँको प्रशंसा सदा-सर्वदा गर्छौं।

परमप्रभुको प्रशंसा गर!

¹ जब परमप्रभुले मेरो प्रार्थना सुन्नु हुँदछ,
    त्यो मलाई मन पर्दछ।
² जब मैले गुहार माग्दा उहाँले मलाई सहाएता दिनुहुन्छ,
    त्यो मलाई मन पर्छ।
³ म मर्न आटेको थिएँ, मृत्युको डोरीहरूले मलाई वरिपरि बाँधिएको थियो।
    चिहान मेरो वरिपरि थियो
    म भयभीत र चिन्तित थिएँ।
⁴ तब मैले परमेश्वरको नाउँको पुकारा गरें।
    मैले भने, “परमप्रभु, मलाई बचाउनु होस्!”
⁵ परमप्रभु धार्मिक र करूणामय हुनुहुन्छ।
    हाम्रा परमेश्वर कृपालु हुनुहुन्छ।
⁶ परमप्रभुले असहाय मानिसहरूको हेरचाह गर्नु हुन्छ।
    म असहाय थिएँ अनि परमप्रभुले मलाई बचाउनु भयो।
⁷ हे मेरो प्राण, विश्राम गर!
    परमेश्वरले तिमीलाई हेरचाह गरिरहनु भएको छ।
⁸ हे परमेश्वर, तपाईंले मेरो प्राणलाई मृत्युबाट बँचाउनु भयो।
    तपाईंले मेरो आँसुहरू थामिदिनु भयो।
    तपाईंले मलाई पतन हुनदेखि जोगाउनु भयो।
⁹ जीवितहरूको देशमा पनि
    म परमप्रभुको सेवा अनवरत गर्नेछु।

¹⁰ यद्यपि मैले भने अझ पनि मेरो विश्वास थियो,
    “म सर्वनाश भएँ!”
¹¹ हो, मलाई विश्वास थियो, जब म डराएको थिएँ,
    मैले भने, “सबै मानिसहरू झूटा छन्!”

¹² म परमप्रभुलाई के दिन सक्छु र?
    ममा भएका सबै कुराहरू परमप्रभुले नै दिनु भएको हो।
¹³ उहाँले मलाई बचाउनु भयो,
    यसकारण म उहाँलाई अर्घ बलि चढाउनेछु।
    अनि म परमप्रभुको नाउँ बोलाउनेछु।
¹⁴ परमप्रभुलाई प्रतिज्ञा गरेको कुराहरू म उहाँलाई दिनेछु।
    म अब सम्पूर्ण मानिसहरूका समक्षमा जानेछु।

¹⁵ परमेश्वरका भक्तजनहरू मध्ये एउटै पनि मर्यो भने त्यो उहाँको निम्ति महत्वपूर्ण हुनेछ।
    परमप्रभु तपाईंको दासहरू मध्ये म एक हुँ।
¹⁶ हे परमप्रभु, म तपाईंको दास हुँ।
    म तपाईंकी एकजना सेविकाको बालक हुँ।
    परमप्रभु, तपाईं नै मेरो प्रथम गुरू हुनुहुन्थ्यो।
¹⁷ म तपाईंलाई धन्यवादको भेटी टक्र्याउँने छु।
    म परमप्रभुको नाउँ पुकार्नेछु।
¹⁸ आफूले वचन दिएको कुराहरू म परमेश्वरलाई दिनेछु।
    अब म सम्पूर्ण मानिसहरूको समक्ष जाने छु।
¹⁹ म यो सव यरूशलेमको मन्दिरमा गर्नेछु,
    र परमप्रभुको मन्दिरको आँगनमा गर्नेछु।

परमप्रभुको प्रशंसा गर!

¹ हे सबै जातिका मानिस हो, परमप्रभुको प्रशंसा गर।
    हे सबै मानिसहरू हो, परमप्रभुको प्रशंसा गर।
² परमेश्वरले हामीलाई असाध्यै प्रेम गर्नुहुन्छ।
    अनि परमेश्वर सदा-सर्वदाको निम्ति हाम्रो विश्वासयोग्य हुनुहुनेछ।

परमप्रभुको प्रशंसा गर!

¹ परमप्रभुलाई आदर गर किनभने उहाँ परमेश्वर हुनुहुन्छ।
    उहाँको स्नेहपूर्ण करूणा सदा-सर्वदा रहनेछ!
² इस्राएल ले यसो भन्छ,
    “उहाँको स्नेहपूर्ण करूणा सदा-सर्वदा रहनेछ!”
³ पूजाहारीहरू यसो भन्छन्,
    “उहाँको स्नेहपूर्ण करूणा अनन्त सम्म रहनेछ!”
⁴ मानिसहरूले परमप्रभुलाई पुज्दै यसो भन्दछन्,
    “उहाँको स्नेहपूर्ण करूणा अनन्त रहनेछ!”

⁵ म सङ्कटहरूमा फँसेको थिएँ।
यसैले सहायताको निम्ति मैले परमप्रभुलाई डाकें।
    परमप्रभुले त्यसको जवाफ दिनुभयो अनि मलाई मुक्त पार्नुभयो।
⁶ परमप्रभु मसँग हुनुहुन्छ, यसैले म भयभीत छैन।
    मानिसहरूले मलाई कुनै प्रकारको हानी पुर्याउनँ सक्तैन।
⁷ परमप्रभु मेरो सहयोगी हुनुहुन्छ
    म मेरो शत्रुहरू परास्त भएको देख्नेछु।
⁸ मानिसहरूमा भरोसा राख्नु भन्दा
    परमप्रभुमाथि नै भरोसा राख्नु उत्तम हो।
⁹ तिमीहरूका नेताहरूमा भरोसा राख्नु भन्दा
    परमप्रभुमाथि नै भरोसा राख्नु उत्तम हो।

¹⁰ धेरै शत्रुहरूले मलाई घेरेर राखे
    तर परमप्रभुको शक्तिले ती शत्रुहरूलाई मैले परास्त पारें।
¹¹ शत्रुहरूले मलाई घरि-घरि घेरी रहे।
    मैले तिनीहरूलाई परमप्रभुको शक्तिले परास्त पार्दै गएँ।
¹² शत्रुहरूले मलाई त्यसरी घेरे जसरी भीर माउरीहरूले घेर्दछ।
    तर तिनीहरू छिट्टै नाश भएर गए जसरी पराल एकै छिनमा जलेर जान्छ।
    मैले तिनीहरूलाई परमप्रभुको शक्तिले परास्त पारें।

¹³ मेरो शत्रुहरूले ममा आक्रमण गरे अनि लगभग नष्ट गरीसकेका थिए।
    तर परमप्रभुले मलाई साथ दिनुभयो।
¹⁴ परमप्रभु मेरो शक्ति र विजयी गीत हुनुहुन्छ।
    उहाँले मलाई बँचाउनु हुन्छ।
¹⁵ तिमीले विजयी उत्सवहरू शिष्ट मानिसहरूका घरमा मानेको हुन सक्छौ।
    परमप्रभुले आफ्नो महान् प्रभाव फेरि एकपल्ट दर्शाउनु भयो।
¹⁶ परमप्रभुको पाखुराहरू विजयी भएर उठे।
    परमप्रभुले आफ्नो महान् प्रभाव फेरि एकपल्ट दर्शाउनु भयो।

¹⁷ म बाँच्ने छु मर्ने छैन
    अनि परमप्रभुले के गर्नुभयो भनेर बताउनेछु।
¹⁸ परमप्रभुले मलाई दण्ड दिनु भयो,
    तर उहाँले मलाई मर्न दिनु भएन।
¹⁹ असल प्रवेशद्वारहरू, मेरो निम्ति खोलियो
    अनि म भित्र आउने छु र परमप्रभुलाई पूज्ने छु।
²⁰ तिनीहरू परमप्रभुको प्रवेशद्वारहरू हुन्।
    विशेष धर्मी मानिसहरू मात्र त्यहाँबाट जान सक्छन्।
²¹ परमप्रभुले, मेरो प्रार्थनाको जवाफ दिनु भएकोमा धन्यवाद प्रकट गर्दछु।
    मलाई बचाउनु भएकोमा धन्यवाद प्रकट गर्छु।

²² जुन ढुङ्गा निर्माणकर्ताहरूले लिन चाहेनन्।
    त्यही मूल ढुङ्गा^[a] हुन गयो।
²³ परमप्रभुले यस्तो बनाउनु भयो।
    अनि हामीले यसलाई आश्चर्यजनक भनेर सोच्यौं।
²⁴ आज त्यो दिन हो जुन परमप्रभुले बनाउनु भयो।
    फेरि आज प्रफुल्लित र खुशी हौं!

²⁵ मानिसहरूले भने, “परमप्रभुको प्रशंसा गर!
    परमप्रभुले हामीलाई बचाउनु हुन्छ!
²⁶ परमप्रभुको नाउँ गरेर आउने मानिसहरूलाई स्वागत छ।”

    पूजाहारीहरूले जवाफ दिए, “हामी तपाईँलाई परमप्रभुको मन्दिरमा स्वागत गर्दछौं!
²⁷ परमप्रभुनै परमेश्वर हुनुहुन्छ।
अनि उहाँले हामीलाई ग्रहण गर्नु हुन्छ।
    भेंडाका पाठालाई बलिदानको लागि बाँध,
    अनि यसलाई वेदीको सींङ तर्फ ल्याऊ।”

²⁸ परमप्रभु, तपाईं मेरो परमेश्वर हुनुहुन्छ।
म तपाईंलाई धन्यवाद दिन्छु।
    परमप्रभु, म तपाईंको प्रशंसा गर्छु।
²⁹ परमप्रभुको प्रशंसा गर किनभने उहाँ भलो हुनुहुन्छ।
    उहाँको स्नेहपूर्ण करूणा सदा-सर्वदा रहेनेछ।