Roma 8:19-21

Ang Salita ng Dios (Tagalog Contemporary Bible)

¹⁹ Maging ang buong nilikha ay sabik na naghihintay na ihayag ng Dios ang mga anak niya. ²⁰ Sapagkat ang lahat ng nilikha ng Dios ay hindi nakaabot sa layuning para sa kanila. Nangyari ito hindi dahil sa gusto nila, kundi dahil ito ang gusto ng Dios. Pero may pag-asa pa, ²¹ dahil palalayain din niya ang buong nilikha mula sa kabulukang umaalipin dito, at makakasama rin sa napakagandang kalagayan ng mga anak ng Dios.