Ruth 3:7-9

Ang Biblia (1978)

⁷ At nang si Booz ay makakain at makainom, ^(A)at ang kaniyang puso'y maligayahan, siya'y yumaong nahiga sa dulo ng bunton ng trigo; at siya'y ^(B)naparoong marahan, at inalisan ng takip ang kaniyang mga paa, at siya'y nahiga.

⁸ At nangyari, sa hating gabi, na ang lalake ay natakot at pumihit: at, narito, isang babae ay nakahiga sa kaniyang paanan.

⁹ At sinabi niya, Sino ka? At siya'y sumagot, Ako'y si Ruth, na iyong lingkod: ^(C)iladlad mo nga ang iyong kumot sa iyong lingkod; sapagka't ikaw ay malapit na ^(D)kamaganak.