Salmo 49:10-12

Ang Salita ng Dios (Tagalog Contemporary Bible)

¹⁰ Nakikita nga ng lahat, na kahit ang marurunong ay namamatay,
    ganoon din ang mga matitigas ang ulo at mga hangal.
    At maiiwan nila sa iba ang kanilang kayamanan.
¹¹ Ang kanilang libingan ay magiging bahay nila magpakailanman.
    Doon sila mananahan,
    kahit may mga lupaing nakapangalan sa kanila.
¹² Kahit tanyag ang tao, hindi siya magtatagal;
    mamamatay din siya katulad ng hayop.