Salmo 51:1-3

Ang Salita ng Dios (Tagalog Contemporary Bible)

51 O Dios, kaawaan nʼyo po ako
    ayon sa inyong tapat na pagmamahal.
    At ayon sa inyong labis na pagmamalasakit sa akin,
    ang lahat ng pagsuway ko ay inyong pawiin at akoʼy patawarin.
² Hugasan nʼyo ako, at linisin nʼyo nang lubos sa aking kasamaan,
³ dahil inaamin ko ang aking mga pagsuway,
    at lagi kong iniisip ang aking mga kasalanan.