Ufunuo 6:15-17

Agano Jipya: Tafsiri ya Kusoma-Kwa-Urahisi

¹⁵ Kisha watu wote wa ulimwengu, wafalme, watawala, makamanda wa majeshi, matajiri, wenye mamlaka na nguvu, kila mtumwa na asiye mtumwa, walijificha katika mapango na nyuma ya miamba milimani. ¹⁶ Waliiambia milima na miamba, “Tuangukieni. Tuficheni mbali na uso wa yule aketiye kwenye kiti cha enzi. Tuficheni dhidi ya hasira ya Mwanakondoo! ¹⁷ Siku kubwa ya hasira yao imefika. Hakuna anayeweza kupingana nayo.”