Zefanias 1:10-12

Ang Salita ng Dios (Tagalog Contemporary Bible)

¹⁰ “Ako, ang Panginoon ay nagsasabing sa araw na iyon maririnig ang iyakan sa pintuan na tinatawag na Isda^[a] ng lungsod ng Jerusalem at sa bagong bahagi ng lungsod. Maririnig din ang malakas na ingay ng mga nagigibang bahay sa mga burol. ¹¹ Mag-iyakan kayo, kayong mga naninirahan sa mababang bahagi^[b] ng lungsod ng Jerusalem dahil mamamatay ang lahat ng inyong mga mangangalakal.

¹² “Sa araw ding iyon, susuyurin kong mabuti^[c] ang Jerusalem at parurusahan ko ang mga taong nagpapasarap lang sa buhay at nagsasabi sa kanilang sarili, ‘Walang gagawin ang Panginoon sa amin mabuti man o masama.’