Zefanias 1:11-13

Ang Salita ng Dios (Tagalog Contemporary Bible)

¹¹ Mag-iyakan kayo, kayong mga naninirahan sa mababang bahagi^[a] ng lungsod ng Jerusalem dahil mamamatay ang lahat ng inyong mga mangangalakal.

¹² “Sa araw ding iyon, susuyurin kong mabuti^[b] ang Jerusalem at parurusahan ko ang mga taong nagpapasarap lang sa buhay at nagsasabi sa kanilang sarili, ‘Walang gagawin ang Panginoon sa amin mabuti man o masama.’ ¹³ Aagawin sa mga taong ito ang kanilang mga pag-aari at wawasakin ang kanilang mga bahay. Hindi sila ang titira sa mga bahay na kanilang itinayo. At hindi sila ang iinom ng inuming mula sa ubas na kanilang itinanim.”