Zefanias 2:2-4

Magandang Balita Biblia

² Bago kayo ipadpad na gaya ng ipang tinatangay ng hangin,
    bago ninyo lasapin ang matinding galit ni Yahweh,
    bago dumating sa inyo ang araw ng kanyang poot.
³ Manumbalik kayo kay Yahweh, kayong mapagpakumbaba,
    kayong sumusunod sa kanyang kautusan.
Gawin ninyo ang tama at kayo'y magpakumbaba kay Yahweh,
    baka sakaling kayo'y makaligtas
    sa parusa sa araw na iyon!

⁴ Walang^(A) matitira sa lunsod ng Gaza,
    at walang matitira sa lunsod ng Ashkelon.
Ang mga taga-Asdod ay palalayasin sa katanghaliang-tapat,
    at itataboy ang mga taga-Ekron.