Job 24:5-8

Ang Salita ng Dios (Tagalog Contemporary Bible)

⁵ Naghahanap sila ng kanilang pagkain sa ilang na parang mga asnong-gubat, dahil wala silang ibang lugar na mapagkukunan ng pagkain para sa kanilang mga anak. ⁶ Namumulot sila ng mga tirang bunga sa mga bukid, pati na sa ubasan ng taong masama. ⁷ Sa gabiʼy natutulog silang giniginaw dahil wala silang damit o kumot man lamang. ⁸ Nababasa sila ng ulan sa mga kabundukan, at sumisiksik na lang sa mga siwang ng bato dahil walang masilungan.