Mateo 26:10-13

Magandang Balita Biblia

¹⁰ Alam ni Jesus ang iniisip nila kaya't sinabi niya, “Bakit ninyo ginugulo ang babaing ito? Mabuting bagay ang ginawa niya sa akin. ¹¹ Sapagkat^(A) palagi ninyong makakasama ang mga dukha, ngunit ako'y hindi ninyo makakasama palagi. ¹² Binuhusan niya ako ng pabango bilang paghahanda sa paglilibing sa akin. ¹³ Tandaan ninyo, saan man ipangaral ang Magandang Balita sa buong mundo, babanggitin ang ginawa niyang ito bilang pag-alaala sa kanya.”