Engero 30:15-31

Endagaano Enkadde nʼEndagaano Empya

Waliwo ebintu bisatu ebitakkuta,

weewaawo bina ebitagamba nti, “Matidde,”

^16 (B)Amagombe,

olubuto olugumba,

ettaka eritakutta mazzi,

n’omuliro ogutayogera nti, “Ebyo binaamala!”

¹⁸ Waliwo ebigambo bisatu eby’ekitalo ennyo gye ndi,

weewaawo bina bye sitegeera:

¹⁹ Empungu engeri gye yeeyisaamu mu bbanga,

n’omusota engeri gye gwewalulamu wakati mu mayinja,

n’ekyombo gye kiseeyeeyamu ku nnyanja,

n’engeri omusajja gye yeeyisaamu ng’ali n’embeerera.

²¹ Ensi ekankanira wansi w’ebintu bisatu

weewaawo bina:

^22 (E)omuweereza bw’afuuka kabaka,

n’omusirusiru bw’akutta emmere;

²³ n’omukazi eyadibira mu ddya;

n’omuweereza omuwala bw’afumbirwa bba wa mugole we.

²⁴ Waliwo ebintu ebitono bina ku nsi,

ebirina amagezi amangi ennyo.

^25 (F)Enkolooto bye biwuka ebitalina maanyi mangi,

naye byeterekera emmere yaabyo mu kyeya;

^26 (G)obumyu busolo bunafu

naye bwezimbira ennyumba zaabwo mu mayinja;

^27 (H)enzige tezirina kabaka,

kyokka zitabaala zonna mu bibiina byazo;

²⁸ omunya oyinza okugukwasa engalo,

naye mu mbiri za bakabaka gusangibwamu.

²⁹ Waliwo ebintu bisatu ebyesimba obulungi mu kitiibwa nga bitambula,

weewaawo bina ebitambulira mu kitiibwa:

³⁰ empologoma esinga ensolo zonna amaanyi era kabaka waazo, so tewali gy’esegulira yonna;

³¹ sseggwanga,

n’embuzi ennume,

ne kabaka eyeetooloddwa eggye lye.