Job 7:7-10

Magandang Balita Biblia

⁷ “Alalahanin ninyong ang buhay ko'y isang hininga lamang,
    hindi na ako muling makakakita nang kabutihan.
⁸ Kaunting panahon na lang at ako ay papanaw,
    di na ninyo ako makikita, at di na matatagpuan.
⁹ Tulad^(A) ng ulap na napapadpad at naglalaho,
    kapag namatay ang tao, di na siya makakabalik sa mundo.
¹⁰ Hindi na siya makakauwi kailanman,
    mga kakilala niya, siya'y malilimutan.