Job 31:16-20

Ang Pulong Sa Dios

¹⁶ “Kon wala ako motabang sa mga kabos ug sa mga biyuda nga naglisod, ¹⁷ ug gihikawan ko ug pagkaon ang mga ilo, hinaut pa nga silotan ako sa Dios. ¹⁸ Apan sukad sa batan-on pa ako giatiman ko na ang mga ilo; sa tibuok kong kinabuhi wala ako magpasagad sa mga biyuda. ¹⁹ Kon may makita akong tawo nga nagaantos sa katugnaw tungod sa kakulang sa bisti, ²⁰ ginahatagan ko kinig bisti nga pangtugnaw nga hinimo sa balhibo sa akong mga karnero. Unya nagpasalamat kini kanako sa kinasingkasing.