Roma 1:16-8:27

Ang Biblia (1978)

¹⁶ Sapagka't hindi ko ikinahihiya ang evangelio: ^(A)sapagka't siyang kapangyarihan ng Dios sa ikaliligtas ng bawa't sumasampalataya; una'y ^(B)sa Judio, at gayon din sa Griego.

¹⁷ Sapagka't ^(C)dito ang katuwiran ng Dios ay nahahayag mula sa pananampalataya hanggang sa pananampalataya: gaya ng nasusulat, Nguni't ^(D)ang ganap ay mabubuhay sa pamamagitan ng pananampalataya.

¹⁸ Sapagka't ang poot ng Dios ^(E)ay nahahayag mula sa langit laban sa lahat na kasamaan at kalikuan ng mga tao, na mga sinasawata ang katotohanan ng kalikuan;

¹⁹ Sapagka't ^(F)ang nakikilala tungkol sa Dios ay hayag sa kanila; sapagka't ito'y ipinahayag ng Dios sa kanila.

²⁰ Sapagka't ang mga bagay niyang hindi nakikita buhat pa nang lalangin ang sanglibutan ay nakikitang maliwanag, sa pagkatanto sa pamamagitan ng mga bagay na ginawa niya, maging ang walang hanggan niyang kapangyarihan at pagka Dios; upang sila'y ^(G)walang madahilan:

²¹ Sapagka't kahit kilala nila ang Dios, siya'y hindi niluwalhati nilang tulad sa Dios, ni pinasalamatan; kundi bagkus ^(H)niwalang kabuluhan sa kanilang mga pagmamatuwid at ang mangmang nilang puso ay pinapagdilim.

²² Ang mga nangagmamarunong ay naging mga mangmang,

²³ At pinalitan nila ang kaluwalhatian ng Dios na hindi nasisira, ng isang katulad ^(I)ng larawan ng tao na nasisira, at ng mga ibon, at ng mga hayop na may apat na paa, at ng mga nagsisigapang.

²⁴ Dahil dito'y sa karumihan ng mga pita ng kanilang mga puso ay ibinigay sila ng ^(J)Dios sa kahalayan, ^(K)upang alisan nila ng puri ang kanilang mga katawan sa kanikanilang sarili:

²⁵ Sapagka't pinalitan nila ang katotohanan ng Dios ^(L)ng kasinungalingan, at sila'y nagsisamba at nangaglingkod sa nilalang kay sa Lumalang, na siyang pinupuri magpakailan man. Siya nawa.

²⁶ Dahil dito'y ibinigay sila ng Dios sa mga mahahalay na pita: sapagka't pinalitan ng kanilang mga babae ang katutubong kagamitan niyaong nalalaban sa katutubo:

²⁷ At gayon din naman ang mga lalake, na nang iwan na ang katutubong kagamitan sa mga babae, ay nangagningas sa kanilang karumihan ng pita ang isa't isa, na gumagawa ng kahalayan ang mga lalake sa mga kapuwa lalake, at tumatanggap sa kanilang sarili ng kagantihan ng kanilang pagkakamali.

²⁸ At palibhasa'y hindi nila minagaling na kilalanin ang Dios, ibinigay sila ng ^(M)Dios sa isang mahalay na pagiisip, upang gawin yaong mga bagay na hindi nangararapat;

²⁹ Nangapuspus sila ng buong kalikuan, ng kasamaan, ng kasakiman, ng kahalayan; puspos ng kapanaghilian, ng pagpatay sa kapuwa tao, ng pagtatalo, ng pagdaraya, ng mga kasamaan; mga mapagupasala,

³⁰ Mga mapanirang puri, mga napopoot sa Dios, mga manglalait, mga palalo, mga mapagmapuri, mga mangangatha ng mga kasamaan, mga masuwayin sa mga magulang,

³¹ Mga haling, mga hindi tapat sa tipanan, mga walang katutubong paggiliw, mga walang habag:

³² Na, ^(N)bagama't nalalaman nila ang kautusan ng Dios, na ang mga nagsisigawa ng gayong mga bagay ^(O)ay mga karapatdapat sa kamatayan, ay hindi lamang gayon ang ginagawa, kundi naman ^(P)pinapayagan ang mga nagsisigawa ng mga yaon.

2 Dahil dito'y wala kang madadahilan, Oh tao, sino ka man na humahatol: ^(Q)sapagka't sa iyong paghatol sa iba, ay ang iyong sarili ang hinahatulan mo; sapagka't ikaw na humahatol ay gumagawa ka ng gayon ding mga bagay.

² At nalalaman natin na ang hatol ng Dios ay ayon sa katotohanan laban sa kanila na mga nagsisigawa ng gayong mga bagay.

³ At iniisip mo baga ito, Oh tao, na humahatol sa mga nagsisigawa ng gayong mga bagay, at ginagawa mo ang gayon din, na ikaw ay makatatanan sa hatol ng Dios?

⁴ O hinahamak mo ang ^(R)mga kayamanan ng kaniyang kabutihan at ^(S)pagtitiis ^(T)at pagpapahinuhod, ^(U)na hindi mo nalalaman na ang kabutihan ng Dios ay siyang umaakay sa iyo sa pagsisisi?

⁵ Datapuwa't ayon sa iyong katigasan at iyong pusong hindi nagsisisi ay ^(V)nagtitipon ka sa iyong sarili ng poot sa kaarawan ng kapootan at pagpapahayag ng tapat na paghuhukom ng Dios;

^6 (W)Na siya ang magbibigay sa bawa't tao ayon sa kaniyang mga gawa:

⁷ Sa mga nagsisipagtiyaga sa mabubuting gawa sa paghanap ng kaluwalhatian at puri at ng di pagkasira, ay ^(X)ang buhay na walang hanggan:

⁸ Datapuwa't ang sa mga palaaway, at mga ^(Y)hindi nagsisitalima sa katotohanan, kundi bagkus nagsisisunod sa kalikuan, ay ang kagalitan at kapootan,

⁹ Kapighatian at kahapisan, ang sa bawa't kaluluwa ng tao na gumagawa ng masama, ^(Z)ng Judio ^(AA)una-una, at gayon din ng Griego;

¹⁰ Datapuwa't kaluwalhatian at karangalan at kapayapaan ang sa bawa't taong gumagawa ng mabuti, sa Judio ang una-una, at gayon din sa Griego:

¹¹ Sapagka't ang Dios ^(AB)ay hindi nagtatangi ng mga tao.

¹² Sapagka't ang ^(AC)lahat ng nangagkasala ng walang kautusan ay mangapapahamak din naman ng walang kautusan: at ang lahat na nangagkasala sa ilalim ng kautusan ay sa kautusan din sila hahatulan;

¹³ Sapagka't hindi ^(AD)ang mga tagapakinig ng kautusan ang siyang mga ganap sa harapan ng Dios, kundi ang nangagsisitalima sa kautusan ^(AE)ay aariing mga ganap;

¹⁴ (Sapagka't kung ang mga Gentil na walang kautusan sa katutubo, ay nagsisigawa ng mga bagay ng kautusan, ang mga ito, na walang kautusan, ay siyang kautusan sa kanilang sarili;

¹⁵ Na nangagtatanyag ng gawa ng kautusang nasusulat sa kanilang puso, na pinatotohanan ito pati ng kanilang budhi, at ang ^(AF)kanilang mga pagiisip ay nangagsusumbungan o nangagdadahilanan sa isa't isa);

¹⁶ Sa araw na ^(AG)hahatulan ng Dios ang mga lihim ng mga tao, ^(AH)ayon sa aking evangelio, ^(AI)sa pamamagitan ni Jesucristo.

¹⁷ Nguni't kung ^(AJ)ikaw na may taglay na pangalang Judio, at ^(AK)nasasalig sa kautusan, at ^(AL)nagmamapuri sa Dios,

¹⁸ At ^(AM)nakaaalam ng kaniyang kalooban, at sumasangayon sa mga bagay na magagaling, palibhasa'y tinuruan ka ng kautusan,

¹⁹ At nagkakatiwala ka na ikaw ay tagaakay ng mga bulag, ilaw ng mga nasa kadiliman,

²⁰ Tagasaway sa mga di nakaaalam, guro ng mga bata, ^(AN)na sa kautusan ay mayroon kang anyo ng pagkakilala at ng katotohanan;

²¹ Ikaw nga ^(AO)na nagtuturo sa iba, hindi mo tinuturuan ang iyong sarili? ikaw na nangangaral sa tao na huwag magnanakaw, ay nagnanakaw ka?

²² Ikaw na nagsasabing ang tao ay huwag mangalunya, ay nangangalunya ka? ikaw na nasusuklam sa mga diosdiosan, ay ^(AP)nanakawan mo ang mga templo?

²³ Ikaw na nagmamapuri sa kautusan, sa iyong pagsuway sa kautusan ay niwawalan mo ng puri ang Dios?

²⁴ Sapagka't ang pangalan ng Dios ay nalalait ng mga Gentil dahil sa iyo, ^(AQ)gaya ng nasusulat.

²⁵ Sapagka't ang pagtutuli'y tunay na ^(AR)pinakikinabangan, kung tinutupad mo ang kautusan; datapuwa't kung ikaw ay masuwayin sa kautusan, ang iyong pagtutuli ay nagiging di pagtutuli.

^26 (AS)Kung ang di pagtutuli nga ay tumutupad ng katuwiran ng kautusan, hindi baga aariing pagtutuli ang kaniyang di pagtutuli?

²⁷ At ang di pagtutuli sa katutubo, kung tumupad ng kautusan, ay hindi baga ^(AT)hahatol sa iyo na ^(AU)may titik at may pagtutuli na masuwayin sa kautusan?

²⁸ Sapagka't siya'y ^(AV)hindi Judio kung sa labas lamang; ni magiging pagtutuli yaong hayag sa laman;

²⁹ Datapuwa't siya'y Judio sa loob; at ^(AW)ang pagtutuli ay yaong sa puso, ^(AX)sa Espiritu hindi sa titik; ang kaniyang kapurihan ay hindi sa mga tao, kundi sa Dios.

3 Ano nga ang kahigitan ng Judio? o ano ang mapapakinabang sa pagtutuli?

² Marami sa anomang paraan: ang una sa lahat, ay ^(AY)ipinagkatiwala sa kanila ^(AZ)ang mga aral ng Dios.

³ Ano nga ^(BA)kung ang ilan ay hindi nangagsisampalataya? ang di pananampalataya nila ay nagpapawalang halaga baga sa ^(BB)pagtatapat ng Dios?

⁴ Huwag nawang mangyari: oo, bagkus pa nga ang ^(BC)Dios ay tapat, datapuwa't ang ^(BD)bawa't tao'y sinungaling; gaya ng nasusulat,

⁵ Datapuwa't kung ang ating kalikuan ^(BF)ay nagbibigay dilag sa katuwiran ng Dios, ano ang ating sasabihin? Liko baga ang Dios na dumadalaw na may poot? (^(BG)nagsasalita akong ayon sa pagkatao.)

⁶ Huwag nawang mangyari: sapagka't kung gayo'y paanong paghatol ng Dios sa sanglibutan?

⁷ Datapuwa't kung ^(BH)ang katotohanan ng Dios sa pamamagitan ng aking kasinungalingan ay sumagana sa ikaluluwalhati niya, bakit pa naman ako'y hinahatulang tulad sa isang makasalanan?

⁸ At bakit hindi (gaya ng pagkalibak sa atin, at gaya ng pinatotohanan ng ilan na ating sinasabi), ^(BI)Magsigawa tayo ng masama upang dumating ang mabuti? ang kaparusahan sa mga gayon ay matuwid.

⁹ Ano nga? tayo baga'y lalong mabuti kay sa kanila? Hindi, sa anomang paraan: sapagka't ating kapuwa isinasakdal na muna ang mga Judio at ang mga Griego, ^(BJ)na silang lahat ay nangasa ilalim ng kasalanan;

¹⁰ Gaya ng nasusulat,

¹⁹ Ngayon ay nalalaman natin na ang anomang sinasabi ng kautusan, yaon ay sinasabi sa nangasa ilalim ng kautusan; ^(BQ)upang matikom ang bawa't bibig, at ^(BR)ang buong sanglibutan ay mapasa ilalim ng hatol ng Dios:

²⁰ Sapagka't sa pamamagitan ng mga gawa ^(BS)ng kautusan ay walang laman na aariing-ganap sa paningin niya; sapagka't ^(BT)sa pamamagitan ng kautusan ay ang pagkakilala ng kasalanan.

²¹ Datapuwa't ngayon ^(BU)bukod sa kautusan ay ipinahahayag ang isang katuwiran ng Dios, na sinasaksihan ng kautusan at ng mga propeta;

²² Sa makatuwid baga'y ang katuwiran ng Dios ^(BV)sa pamamagitan ng pananampalataya kay Jesucristo sa lahat ng mga nagsisisampalataya; sapagka't ^(BW)walang pagkakaiba;

²³ Sapagka't ang lahat ay nangagkasala nga, at hindi nangakaabot sa kaluwalhatian ng Dios;

²⁴ Palibhasa'y inaring-ganap na walang bayad ^(BX)ng kaniyang biyaya ^(BY)sa pamamagitan ng pagtubos na nasa kay Cristo Jesus:

²⁵ Na siyang inilagay ng Dios ^(BZ)na maging pangpalubagloob, sa pamamagitan ng pananampalataya, sa ^(CA)kaniyang dugo, upang maipakilala ang kaniyang katuwiran dahil sa hindi pagpansin sa mga ^(CB)kasalanan na nagawa nang nagdaang panahon sa pagpapahinuhod ng Dios;

²⁶ Sa pagpapakilala'y aking sinasabi, ng kaniyang katuwiran sa panahong kasalukuyan, upang siya'y maging ganap at tagaaring-ganap sa may pananampalataya kay Cristo.

^27 (CC)Kaya nga saan naroon ang pagmamapuri? Ito'y inihiwalay na. Sa pamamagitan ng anong kautusan? ng mga gawa? Hindi: kundi sa pamamagitan ng kautusan ng pananampalataya.

²⁸ Kaya nga maipasisiya natin na ang tao ay inaaring-ganap sa pananampalataya ^(CD)na hiwalay sa mga gawa ng kautusan.

²⁹ O ang Dios baga ay Dios ng mga Judio lamang? hindi baga siya ang Dios din ng mga Gentil? Oo, ng mga Gentil din naman:

³⁰ Kung gayon ^(CE)nga na iisa ang Dios, at kaniyang aariing-ganap ang pagtutuli sa pamamagitan ng pananampalataya, at ang di pagtutuli sa pamamagitan ng pananampalataya.

³¹ Niwawalan kaya nating kabuluhan ang kautusan sa pamamagitan ng pananampalataya? Huwag nawang mangyari: kundi ^(CF)pinagtitibay pa nga natin ang kautusan.

4 Ano nga ang ating sasabihin, na nasumpungan ni ^(CG)Abraham na ating magulang ayon sa laman?

² Sapagka't kung si Abraham ay ^(CH)inaring-ganap sa pamamagitan ng mga gawa, ay mayroon sana siyang ipagmamapuri; datapuwa't hindi sa Dios.

³ Sapagka't ano ang sinasabi ng kasulatan? ^(CI)At sumampalataya si Abraham sa Dios, at sa kaniya'y ibinilang na katuwiran.

⁴ Ngayon sa kaniya na gumagawa'y, hindi ibinibilang na biyaya ang ganti, kundi utang.

⁵ Datapuwa't sa kaniya na hindi gumagawa, nguni't sumasampalataya sa kaniya na umaaring ganap sa masama, ^(CJ)ang kaniyang pananampalataya ay ibibilang na katuwiran.

⁶ Gaya naman ng sinasambit ni David na kapalaran ng tao, na sa kaniya'y ibinibilang ng Dios ang katuwiran nang ^(CK)walang mga gawa,

⁷ Na sinasabi,

⁹ Sinambit nga baga ang kapalarang ito tungkol sa pagtutuli, o tungkol din naman sa di-pagtutuli? sapagka't sinasabi natin, Kay Abraham ay ibinilang na katuwiran ang kaniyang pananampalataya.

¹⁰ Paano ngang ito'y ibinilang? nang siya baga'y nasa pagtutuli, o sa di-pagtutuli? Hindi sa pagtutuli, kundi sa di-pagtutuli:

¹¹ At tinanggap niya ^(CM)ang tanda ng pagtutuli, na isang tatak ng katuwiran ng pananampalataya na nasa kaniya samantalang siya'y nasa di-pagtutuli: upang siya'y ^(CN)maging ama ng lahat ng mga nagsisisampalataya, bagaman sila'y nasa di-pagtutuli, upang ang katuwiran ay maibilang sa kanila;

¹² At ang ama ng pagtutuli nila na hindi lamang sa pagtutuli, kundi pati naman sa mga nagsisilakad sa mga bakas niyaong pananampalataya ng ating amang si Abraham na nasa kaniya nang siya'y nasa di-pagtutuli.

¹³ Sapagka't hindi sa pamamagitan ng kautusan ginawa ^(CO)ang pangako kay Abraham o sa kaniyang binhi na siyang magmamana ng sanglibutan, kundi sa pamamagitan ng katuwiran ng pananampalataya.

¹⁴ Sapagka't ^(CP)kung silang nangasa kautusan ay siyang mga tagapagmana, ay walang kabuluhan ang pananampalataya, at nawawalang kabuluhan ang pangako:

¹⁵ Sapagka't ^(CQ)ang kautusan ay gumagawa ng galit; datapuwa't kung ^(CR)saan walang kautusan ay wala ring pagsalangsang.

¹⁶ Dahil dito'y sa pananampalataya, upang maging ayon ^(CS)sa biyaya; upang ang pangako ay lumagi sa lahat ng binhi; hindi lamang sa nasa kautusan, kundi pati naman sa nasa pananampalataya ni Abraham, ^(CT)na ama nating lahat.

¹⁷ (Gaya ng nasusulat, ^(CU)Ginawa kitang ama ng maraming bansa) sa harapan niyaong kaniyang pinanampalatayanan, sa makatuwid baga'y ang Dios, ^(CV)na nagbibigay ng buhay sa mga patay, at tumatawag sa ^(CW)mga bagay na hindi pa hayag na tila hayag na.

¹⁸ Siya na sumampalataya na nasa pagasa laban sa pagasa, upang maging ama ng maraming bansa ayon sa sabi, ^(CX)Magiging gayon ang iyong binhi.

¹⁹ At hindi humina sa pananampalataya ^(CY)na ipinalagay man ang kaniyang katawang tulad sa patay na (gayon siya'y may mga isang daang taon na), at ang pagkabaog ng bahay-bata ni Sara;

²⁰ Kundi, sa pagtingin niya sa pangako ng Dios, ay hindi nagalinlangan sa pamamagitan ng di pananampalataya, kundi lumakas ng lumakas sa pamamagitan ng pananampalataya, na niluluwalhati ang Dios,

²¹ At lubos nanalig na ang Dios na nangako ^(CZ)ay may kapangyarihang makagawa noon.

²² Dahil dito'y ibinilang naman na katuwiran sa kaniya.

²³ Ngayo'y ^(DA)hindi lamang dahil sa kaniya isinulat, na sa kaniya'y ibinilang;

²⁴ Kundi dahil din naman sa atin, na ibibilang sa ating mga nagsisisampalataya ^(DB)sa kaniya na bumuhay na maguli sa mga patay, kay Jesus na ating Panginoon,

²⁵ Na ibinigay ^(DC)dahil sa ating mga kasuwayan, at binuhay na maguli sa ^(DD)ikaaaring-ganap natin.

5 Yaman nga na ^(DE)mga inaaring-ganap sa pananampalataya, mayroon tayong ^(DF)kapayapaan sa Dios sa pamamagitan ng ating Panginoong Jesucristo;

² Sa pamamagitan din naman niya'y nangagkaroon tayo ^(DG)ng ating pagpasok sa pamamagitan ng pananampalataya sa biyayang ito na diyan ay nagsisilagi tayo; at ^(DH)nangagagalak tayo sa pagasa ng kaluwalhatian ng Dios.

³ At hindi lamang gayon, kundi naman ^(DI)nangagagalak tayo sa ating mga kapighatian ^(DJ)na nalalamang ang kapighatian ay gumagawa ng katiyagaan;

⁴ At ang katiyagaan, ^(DK)ng pagpapatunay; at ang pagpapatunay, ng pagasa:

⁵ At ang pagasa ay ^(DL)hindi humihiya; sapagka't ang pagibig ng Dios ay nabubuhos sa ating mga puso sa pamamagitan ng Espiritu Santo na ibinigay sa atin.

⁶ Sapagka't ^(DM)nang tayo ay mahihina pa ay ^(DN)namatay si Cristo sa kapanahunan dahil sa mga masama.

⁷ Sapagka't ang isang tao'y bahagya nang mamatay dahil sa isang taong matuwid: bagama't dahil sa isang taong mabuti marahil ay may mangangahas mamatay.

⁸ Datapuwa't ipinagtatagubilin ng Dios ang kaniyang pagibig sa atin, na nang tayo'y mga makasalanan pa, si Cristo ay namatay dahil sa atin.

⁹ Lubha pa nga ngayong inaaring-ganap ^(DO)sa pamamagitan ng kaniyang dugo, ay mangaliligtas tayo ^(DP)sa galit ng Dios sa pamamagitan niya.

¹⁰ Sapagka't ^(DQ)kung, noong tayo'y mga kaaway ^(DR)ay pinakipagkasundo tayo sa Dios sa pamamagitan ng kamatayan ng kaniyang Anak, lubha pa, ngayong nangagkakasundo na, ay mangaliligtas tayo ^(DS)sa kaniyang buhay;

¹¹ At hindi lamang gayon, kundi tayo'y nangagagalak naman sa Dios sa pamamagitan ng ating Panginoong Jesucristo, na sa pamamagitan niya'y tinamo natin ngayon ang pagkakasundo.

¹² Kaya, ^(DT)kung paano na sa pamamagitan ng isang tao ay pumasok ang kasalanan sa sanglibutan, at ang kamataya'y ^(DU)sa pamamagitan ng kasalanan; at sa ganito'y ang kamatayan ay naranasan ng lahat ng mga tao, sapagka't ang lahat ay nangagkasala:—

¹³ Sapagka't ang kasalanan ay nasa sanglibutan hanggang sa dumating ang kautusan: nguni't ^(DV)hindi ibinibilang ang kasalanan kung walang kautusan.

¹⁴ Bagaman ang kamatayan ay naghari mula kay Adam hanggang kay Moises, kahit doon sa hindi nangagkasala man ng tulad sa pagsalangsang ni Adam, ^(DW)na siyang anyo niyaong darating.

¹⁵ Datapuwa't gayon din ang kaloob na walang bayad ay hindi gaya ng pagsuway. Sapagka't kung sa pagsuway ng isa ay nangamatay ang marami, lubha pang sumagana sa marami ang biyaya ng Dios, at ang kaloob dahil sa biyaya ng isang lalaking si Jesucristo.

¹⁶ At ang kaloob ay hindi gaya ng nangyari sa pamamagitan ng isang nagkasala: sapagka't ang kahatulan ay dumating sa isa sa ipagdurusa, datapuwa't ang kaloob na walang bayad ay dumating sa maraming pagsuway sa ikaaaring ganap.

¹⁷ Sapagka't kung, sa pagsuway ng isa, ay naghari ang kamatayan sa pamamagitan ng isa; lubha pang magsisipaghari sa buhay ang nagsisitanggap ng kasaganaan ng biyaya at kaloob ng katuwiran sa pamamagitan ng isa, sa makatuwid baga'y si Jesucristo.

¹⁸ Kaya kung paanong sa pamamagitan ng isang pagsuway ay dumating ang hatol sa lahat ng mga tao sa ipagdurusa; gayon din naman sa pamamagitan ng isang gawa ng katuwiran, ang kaloob na walang bayad ay dumating ^(DX)sa lahat ng mga tao sa ^(DY)ikaaaring-ganap ng buhay.

¹⁹ Sapagka't kung paanong sa pamamagitan ng pagsuway ng isang tao ang marami ay naging mga makasalanan, gayon din sa pamamagitan ng pagtalima ng isa ang marami ay magiging mga matuwid.

²⁰ At bukod sa rito ay pumasok ^(DZ)ang kautusan, upang ang pagsuway ay makapanagana; datapuwa't kung saan nanagana ang kasalanan, ay ^(EA)nanaganang lubha ang biyaya:

²¹ Upang, kung paanong ang kasalanan ay naghari sa ikamamatay, ay gayon din naman ^(EB)ang biyaya ay makapaghahari sa pamamagitan ng katuwiran sa ^(EC)ikabubuhay na walang hanggan sa pamamagitan ni Jesucristo na Panginoon natin.

6 Ano nga ang ating sasabihin? ^(ED)Magpapatuloy baga tayo sa pagkakasala upang ^(EE)ang biyaya ay makapanagana?

² Huwag nawang mangyari. Tayong mga patay na sa pagkakasala, ^(EF)paano nga tayong mabubuhay pa riyan?

³ O hindi baga ninyo nalalaman na ^(EG)tayong lahat na mga nabautismuhan ^(EH)kay Cristo Jesus ay nangabautismuhan sa kaniyang kamatayan?

⁴ Tayo nga'y ^(EI)nangalibing na kalakip niya sa pamamagitan ng bautismo sa kamatayan: na kung paanong si ^(EJ)Cristo ay nabuhay na maguli sa mga patay sa pamamagitan ^(EK)ng kaluwalhatian ng Ama, ay ^(EL)gayon din naman tayo'y makalalakad sa panibagong buhay.

⁵ Sapagka't ^(EM)kung tayo nga ay naging kalakip niya dahil sa kawangisan ng kaniyang kamatayan, ay magkakagayon din naman tayo dahil sa kawangisan ng kaniyang pagkabuhay na maguli;

⁶ Na nalalaman natin, na ang ^(EN)ating datihang pagkatao ay kalakip niyang napako sa krus, upang ^(EO)ang katawang salarin ay magiba, at nang sa gayo'y huwag na tayong maalipin pa ng kasalanan;

⁷ Sapagka't ^(EP)ang namatay ay ligtas na sa kasalanan.

⁸ Datapuwa't kung tayo'y nangamatay na kalakip ni Cristo, ay ^(EQ)naniniwala tayo na mangabubuhay naman tayong kalakip niya;

⁹ Na nalalaman nating si Cristo na nabuhay na maguli sa mga patay ay hindi na mamamatay; ang kamataya'y hindi naghahari sa kaniya.

¹⁰ Sapagka't ang kamatayan na ikinamatay niya, ay kaniyang ikinamatay ^(ER)na minsan ^(ES)sa kasalanan: datapuwa't ang buhay na kaniyang ikinabubuhay, ay kaniyang ikinabubuhay sa Dios.

¹¹ Gayon din naman kayo, ibilang ninyong kayo'y tunay na mga patay na sa kasalanan, nguni't ^(ET)mga buhay sa Dios kay Cristo Jesus.

¹² Huwag ngang maghari ang kasalanan sa inyong katawang may kamatayan, upang kayo'y magsisunod sa kaniyang mga pita:

¹³ At huwag din naman ninyong ihandog ang inyong mga sangkap sa kasalanan na pinaka kasangkapan ng kalikuan; kundi ihandog ninyo ang inyong sarili sa Dios, na tulad sa nangabuhay sa mga patay, at ang inyong mga sangkap na pinaka ^(EU)kasangkapan ng katuwiran sa Dios.

¹⁴ Sapagka't ang kasalanan ay hindi makapaghahari sa inyo: sapagka't ^(EV)wala kayo sa ilalim ng kautusan, kundi sa ilalim ng biyaya.

¹⁵ Ano nga? ^(EW)mangagkakasala baga tayo, dahil sa tayo'y wala sa ilalim ng kautusan, kundi sa ilalim ng biyaya? Huwag nawang mangyari.

¹⁶ Hindi baga ninyo nalalaman, ^(EX)na kung kanino ninyo inihahandog ang inyong mga sarili na pinaka alipin upang tumalima ay kayo'y mga alipin niyaong inyong tinatalima; maging ng kasalanan sa ikamamatay, maging ng pagtalima sa ikapagiging matuwid?

¹⁷ Datapuwa't salamat sa Dios, na, bagama't kayo'y naging mga alipin ng kasalanan, kayo'y naging mga matalimahin sa puso doon ^(EY)sa uri ng aral na pinagbigyan sa inyo;

¹⁸ At ^(EZ)yamang pinalaya kayo sa kasalanan ^(FA)ay naging mga alipin kayo ng katuwiran.

¹⁹ Nagsasalita ako ^(FB)ayon sa kaugalian ng mga tao ^(FC)dahil sa karupukan ng inyong laman: sapagka't kung paanong inyong inihandog ang inyong mga sangkap ng katawan na pinaka alipin ng karumihan at ng lalo't lalong kasamaan, gayon din ihandog ninyo ngayon ang inyong mga sangkap na pinaka alipin ng katuwiran sa ikababanal.

²⁰ Sapagka't nang kayo ay mga alipin ng kasalanan, kayo'y laya tungkol sa katuwiran.

²¹ Ano nga ang ^(FD)ibinunga ninyo sa panahong yaon sa mga bagay na ngayo'y ikinahihiya ninyo? sapagka't ^(FE)ang wakas ng mga bagay na yaon ay kamatayan.

²² Datapuwa't ngayong mga laya na kayo sa kasalanan at naging mga alipin ng Dios, kayo ay mayroong inyong bunga sa ikababanal, at ang wakas ay ang buhay na walang hanggan.

²³ Sapagka't ^(FF)ang kabayaran ng kasalanan ay kamatayan; datapuwa't ^(FG)ang kaloob na walang bayad ng Dios ay buhay na walang hanggan kay Cristo Jesus na Panginoon natin.

7 O hindi baga ninyo nalalaman mga kapatid (sapagka't nagsasalita ako sa mga taong nakakaalam ng kautusan), na ang kautusan ay naghahari sa tao samantalang siya'y nabubuhay?

² Sapagka't ang babae ^(FH)na may asawa ay itinali ng kautusan sa asawa samantalang ito ay nabubuhay; datapuwa't kung ang asawa'y mamatay, ay kalag na sa kautusan ng asawa.

³ Kaya nga ^(FI)kung, samantalang nabubuhay ang asawa, siya'y makikisama sa ibang lalake, siya'y tatawaging mangangalunya: datapuwa't kung mamatay ang asawa, ay laya na siya sa kautusan, ano pa't siya'y hindi na mangangalunya, bagaman siya'y makisama sa ibang lalake.

⁴ Gayon din naman, mga kapatid ko, ^(FJ)kayo'y nangamatay rin sa kautusan ^(FK)sa pamamagitan ng katawan ni Cristo; upang kayo'y makisama sa iba, sa makatuwid baga'y doon sa nabuhay na maguli, upang tayo'y magsipagbunga sa Dios.

⁵ Sapagka't nang tayo'y nangasa laman, ^(FL)ang mga pitang salarin na pawang sa pamamagitan ng kautusan, ay nagsigawa ^(FM)sa ating mga sangkap ^(FN)upang magsipagbunga sa kamatayan.

⁶ Datapuwa't ngayon tayo'y nangaligtas sa kautusan, yamang tayo'y nangamatay doon sa nakatatali sa atin; ano pa't nagsisipaglingkod na tayo ^(FO)sa panibagong espiritu, at hindi sa karatihan ng sulat.

⁷ Ano nga ang ating sasabihin? Ang kautusan baga'y kasalanan? Huwag nawang mangyari. Datapuwa't, ^(FP)hindi ko sana nakilala ang kasalanan, kundi sa pamamagitan ng kautusan: sapagka't hindi ko sana nakilala ang kasakiman, kung hindi sinasabi ng kautusan, ^(FQ)Huwag kang mananakim:

⁸ Datapuwa't ^(FR)ang kasalanan, nang makasumpong ng pagkakataon, ay gumawa sa akin sa pamamagitan ng utos ng sarisaring kasakiman: sapagka't kung walang kautusan ang kasalanan ay patay.

⁹ At nang isang panahon ako'y nabubuhay na walang kautusan: datapuwa't nang dumating ang utos, ay muling nabuhay ang kasalanan at ako'y namatay;

¹⁰ At ang utos ^(FS)na sa ikabubuhay, ay nasumpungan kong ito'y sa ikamamatay;

¹¹ Sapagka't ang kasalanan, nang makasumpong ng pagkakataon, ^(FT)ay dinaya ako sa pamamagitan ng utos, at sa pamamagitan nito ay pinatay ako.

¹² Kaya nga ^(FU)ang kautusan ay banal, at ang utos ay banal, at ^(FV)matuwid, at mabuti.

¹³ Ang mabuti nga baga ay naging kamatayan sa akin? Huwag nawang mangyari. Kundi ang kasalanan, upang maipakilalang kasalanan, sa pamamagitan ng mabuti ay gumawa sa akin ng kamatayan;—na sa pamamagitan ng utos ang kasalanan ay maging lalong sala.

¹⁴ Sapagka't nalalaman natin na ang kautusa'y ^(FW)sa espiritu: nguni't ako'y sa laman, na ^(FX)ipinagbili sa ilalim ng kasalanan.

¹⁵ Sapagka't ang ginagawa ko'y hindi ko nalalaman: ^(FY)sapagka't ang hindi ko ibig, ang ginagawa ko; datapuwa't ang kinapopootan ko, yaon ang ginagawa ko.

¹⁶ Nguni't kung ang hindi ko ibig, ang siyang ginagawa ko, ay sumasangayon ako na mabuti ang kautusan.

¹⁷ Kaya ngayo'y hindi ako ang gumagawa nito, kundi ang kasalanang tumitira sa akin.

¹⁸ Sapagka't nalalaman ko na ^(FZ)sa akin, sa makatuwid ay sa aking laman, ay hindi tumitira ang anomang bagay na mabuti: sapagka't ang pagnanasa ay nasa akin, datapuwa't ang paggawa ng mabuti ay wala.

¹⁹ Sapagka't ang mabuti na aking ibig, ay hindi ko ginagawa: nguni't ang masama na hindi ko ibig, ay siya kong ginagawa.

²⁰ Datapuwa't kung ang hindi ko ibig, ang siya kong ginagawa, ay hindi na ako ang gumagawa nito, kundi ang kasalanang tumitira sa akin.

²¹ Kaya nga nasumpungan ko ang isang kautusan na, kung ibig kong gumawa ng mabuti, ang masama ay nasa akin.

²² Sapagka't ^(GA)ako'y nagagalak sa kautusan ng Dios ^(GB)ayon sa pagkataong loob:

²³ Datapuwa't ^(GC)nakikita ko ang ibang kautusan sa ^(GD)aking mga sangkap na nakikipagbaka laban sa kautusan ng aking pagiisip, at dinadala akong bihag sa ilalim ng kautusan ng kasalanan na nasa aking mga sangkap.

²⁴ Abang tao ako! sino ang magliligtas sa akin sa ^(GE)katawan nitong kamatayan?

²⁵ Nagpapasalamat ako sa Dios ^(GF)sa pamamagitan ni Jesucristo na Panginoon natin. Kaya nga tunay kong ipinaglilingkod ang aking pagiisip, sa kautusan ng Dios; datapuwa't ang laman ay sa kautusan ng kasalanan.

8 Ngayon nga'y wala nang anomang hatol sa mga na kay Cristo Jesus.

² Sapagka't ang kautusan ^(GG)ng Espiritu ng buhay na na kay Cristo Jesus ay pinalaya ^(GH)ako sa ^(GI)kautusan ng kasalanan at ng kamatayan.

³ Sapagka't ^(GJ)ang hindi magawa ng kautusan, na mahina sa pamamagitan ng laman, sa pagsusugo ng ^(GK)Dios sa kaniyang sariling Anak na naganyong lamang salarin ^(GL)at dahil sa kasalanan, ay hinatulan ng Dios sa laman ang kasalanan:

⁴ Upang ang kahilingan ng kautusan ay matupad sa atin, na hindi nangagsisilakad ayon sa laman, kundi ayon sa Espiritu.

⁵ Sapagka't ang mga ayon sa laman ay nangagsisitalima ^(GM)sa mga bagay ng laman; datapuwa't ang mga ayon sa Espiritu ay sa ^(GN)mga bagay ng Espiritu.

⁶ Sapagka't ^(GO)ang kaisipan ng laman ay kamatayan; datapuwa't ang kaisipan ng Espiritu ay buhay at kapayapaan.

⁷ Sapagka't ^(GP)ang kaisipan ng laman ay pakikipagalit laban sa Dios; sapagka't hindi napasasaklaw sa kautusan ng Dios, ni hindi nga maaari:

⁸ At ang nangasa laman ay hindi makalulugod sa Dios.

⁹ Datapuwa't kayo'y wala sa laman kundi nasa sa Espiritu, kung gayo'y tumitira sa inyo ang Espiritu ng Dios. Datapuwa't kung ang sinoma'y walang ^(GQ)Espiritu ni Cristo, siya'y hindi sa kaniya.

¹⁰ At kung si Cristo ay nasa sa inyo, ang katawan ay patay dahil sa kasalanan; datapuwa't ^(GR)ang espiritu ay buhay dahil sa katuwiran.

¹¹ Nguni't kung ang Espiritu ^(GS)niyaong bumuhay na maguli kay Jesus ay tumira sa inyo, ang bumuhay na maguli kay Cristo Jesus sa mga patay ay magbibigay buhay naman sa inyong mga katawang may kamatayan, sa pamamagitan ng kaniyang Espiritu na tumitira sa inyo.

¹² Kaya nga, mga kapatid, mga may utang tayo, hindi sa laman, upang mabuhay ayon sa laman:

¹³ Sapagka't kung mangabuhay kayo ng ayon sa laman, ay mangamamatay kayo; datapuwa't kung sa pamamagitan ng Espiritu ay ^(GT)pinapatay ninyo ang mga gawa ng laman, ay mangabubuhay kayo.

¹⁴ Sapagka't ang lahat ^(GU)ng mga pinapatnubayan ng Espiritu ng Dios, ay sila ang mga anak ng Dios.

¹⁵ Sapagka't ^(GV)hindi ninyo muling tinanggap ^(GW)ang espiritu ng pagkaalipin sa ikatatakot; datapuwa't tinanggap ninyo ang ^(GX)espiritu ng pagkukupkop, na dahil dito'y sumisigaw tayo, ^(GY)Abba, Ama.

¹⁶ Ang Espiritu rin ang nagpapatotoo kasama ng ating espiritu, na tayo'y mga anak ng Dios:

¹⁷ At kung mga anak, ay mga tagapagmana nga; ^(GZ)mga tagapagmana sa Dios, at mga kasamang tagapagmana ni Cristo; ^(HA)kung gayon nga makipagtiis tayo sa kaniya, upang tayo'y lumuwalhati namang kasama niya.

¹⁸ Sapagka't napatutunayan ko na ^(HB)ang pagtitiis sa panahong ito'y hindi karapatdapat maitumbas sa kaluwalhatiang mahahayag sa atin.

¹⁹ Sapagka't ^(HC)ang maningas na pagmimithi ng buong nilalang ay naghihintay ng pagkahayag ng mga anak ng Dios.

²⁰ Sapagka't ang buong nilalang ay nasakop ng ^(HD)kawalang kabuluhan, hindi sa kaniyang kalooban, kundi ^(HE)dahil doon sa sumakop sa kaniya, sa pagasa

²¹ Na ang buong nilalang naman ay magiging laya mula sa pagkaalipin ng ^(HF)kabulukan sa kalayaang maluwalhati ng mga anak ng Dios.

²² Sapagka't nalalaman natin na ang buong nilalang ay humihibik at nagdaramdam na may kahirapan na kasama natin hanggang ngayon.

²³ At hindi lamang gayon, kundi pati naman tayo na mayroong ^(HG)mga pangunahing bunga ng Espiritu, sa makatuwid baga'y ^(HH)tayo nama'y nangagsisihibik din sa ating sarili, sa paghihintay ^(HI)ng pagkukupkop, na dili iba't, ^(HJ)ang pagtubos sa ating katawan.

²⁴ Sapagka't tayo'y iniligtas sa pagasa: datapuwa't ang pagasa na nakikita ay hindi pagasa: kaya't sino nga ang umaasa sa nakikita?

²⁵ Datapuwa't kung nagsisiasa tayo sa hindi natin nakikita, kung magkagayo'y hinihintay nating may pagtitiis.

²⁶ At gayon din naman ang Espiritu ay tumutulong sa ating kahinaan: ^(HK)sapagka't hindi tayo marunong manalangin ng nararapat; nguni't ^(HL)ang Espiritu rin ang namamagitan dahil sa atin ng mga hibik na hindi maisasaysay sa pananalita;

²⁷ At ang nakasisiyasat ng mga puso'y nakakaalam kung ano ang kaisipan ng Espiritu, sapagka't siya ang ^(HM)namamagitan dahil sa mga banal ^(HN)alinsunod sa kalooban ng Dios.