דניאל 2:40-42

The Westminster Leningrad Codex

⁴⁰ וּמַלְכוּ֙ ׳רְבִיעָיָה׳ ״רְבִ֣יעָאָ֔ה״ תֶּהֱוֵ֥א תַקִּיפָ֖ה כְּפַרְזְלָ֑א כָּל־קֳבֵ֗ל דִּ֤י פַרְזְלָא֙ מְהַדֵּ֤ק וְחָשֵׁל֙ כֹּ֔לָּא וּֽכְפַרְזְלָ֛א דִּֽי־מְרָעַ֥ע כָּל־אִלֵּ֖ין תַּדִּ֥ק וְתֵרֹֽעַ׃

⁴¹ וְדִֽי־חֲזַ֜יְתָה רַגְלַיָּ֣א וְאֶצְבְּעָתָ֗א ׳מִנְּהוֹן׳ ״מִנְּהֵ֞ן״ חֲסַ֤ף דִּֽי־פֶחָר֙ ׳וּמִנְּהוֹן׳ ״וּמִנְּהֵ֣ין״ פַּרְזֶ֔ל מַלְכ֤וּ פְלִיגָה֙ תֶּהֱוֵ֔ה וּמִן־נִצְבְּתָ֥א דִ֥י פַרְזְלָ֖א לֶֽהֱוֵא־בַ֑הּ כָּל־קֳבֵל֙ דִּ֣י חֲזַ֔יְתָה פַּ֨רְזְלָ֔א מְעָרַ֖ב בַּחֲסַ֥ף טִינָֽא׃

⁴² וְאֶצְבְּעָת֙ רַגְלַיָּ֔א ׳מִנְּהוֹן׳ ״מִנְּהֵ֥ין״ פַּרְזֶ֖ל ׳וּמִנְּהוֹן׳ ״וּמִנְּהֵ֣ין״ חֲסַ֑ף מִן־קְצָ֤ת מַלְכוּתָא֙ תֶּהֱוֵ֣ה תַקִּיפָ֔ה וּמִנַּ֖הּ תֶּהֱוֵ֥ה תְבִירָֽה׃