דניאל 2:41-43

The Westminster Leningrad Codex

⁴¹ וְדִֽי־חֲזַ֜יְתָה רַגְלַיָּ֣א וְאֶצְבְּעָתָ֗א ׳מִנְּהוֹן׳ ״מִנְּהֵ֞ן״ חֲסַ֤ף דִּֽי־פֶחָר֙ ׳וּמִנְּהוֹן׳ ״וּמִנְּהֵ֣ין״ פַּרְזֶ֔ל מַלְכ֤וּ פְלִיגָה֙ תֶּהֱוֵ֔ה וּמִן־נִצְבְּתָ֥א דִ֥י פַרְזְלָ֖א לֶֽהֱוֵא־בַ֑הּ כָּל־קֳבֵל֙ דִּ֣י חֲזַ֔יְתָה פַּ֨רְזְלָ֔א מְעָרַ֖ב בַּחֲסַ֥ף טִינָֽא׃

⁴² וְאֶצְבְּעָת֙ רַגְלַיָּ֔א ׳מִנְּהוֹן׳ ״מִנְּהֵ֥ין״ פַּרְזֶ֖ל ׳וּמִנְּהוֹן׳ ״וּמִנְּהֵ֣ין״ חֲסַ֑ף מִן־קְצָ֤ת מַלְכוּתָא֙ תֶּהֱוֵ֣ה תַקִּיפָ֔ה וּמִנַּ֖הּ תֶּהֱוֵ֥ה תְבִירָֽה׃

⁴³ ׳דִי׳ ״וְדִ֣י״ חֲזַ֗יְתָ פַּרְזְלָא֙ מְעָרַב֙ בַּחֲסַ֣ף טִינָ֔א מִתְעָרְבִ֤ין לֶהֱוֺן֙ בִּזְרַ֣ע אֲנָשָׁ֔א וְלָֽא־לֶהֱוֺ֥ן דָּבְקִ֖ין דְּנָ֣ה עִם־דְּנָ֑ה הֵֽא־כְדִ֣י פַרְזְלָ֔א לָ֥א מִתְעָרַ֖ב עִם־חַסְפָּֽא׃