1 Corinto 10:13-15

Ang Salita ng Dios (Tagalog Contemporary Bible)

¹³ Walang pagsubok na dumarating sa inyo na hindi naranasan ng ibang tao. Ngunit maaasahan natin ang pangako ng Dios na hindi niya tayo pababayaang subukin ng higit pa sa ating makakaya. Kaya kung dumaranas kayo ng pagsubok, gagawa siya ng paraan para mapagtagumpayan ninyo ito.

¹⁴ Kaya mga minamahal, huwag kayong sasamba sa mga dios-diosan. ¹⁵ Sinasabi ko ito sa inyo bilang mga taong nakakaunawa, kaya pag-isipan ninyo ang sinasabi ko.