1 Corinto 12:21-23

Magandang Balita Biblia

²¹ Hindi rin naman masasabi ng mata sa kamay, “Hindi kita kailangan,” ni ng ulo, sa mga paa, “Hindi ko kayo kailangan.” ²² Sa katunayan, ang mga bahaging parang mahihina ang siya pa ngang kailangang kailangan. ²³ Ang mga bahagi ng katawan na inaakala nating hindi gaanong kapuri-puri ay pinag-uukulan ng higit na pagpapahalaga. Ang mga bahaging hindi likas na maganda ang siya nating higit na pinapahalagahan.