1 Corinto 15:29-31

Ang Bagong Tipan: Filipino Standard Version

²⁹ At kung walang muling pagkabuhay, ano'ng gagawin ng mga binabautismuhan para sa mga patay? Kung ang mga patay ay hindi muling binubuhay, bakit may mga taong binabautismuhan para sa kanila? ³⁰ At bakit namin inilalagay sa panganib ang aming buhay sa bawat sandali? ³¹ Araw-araw akong humaharap sa kamatayan! Ipinapahayag ko ito, mga kapatid, dahil sa aking pagmamalaki tungkol sa inyo, na tinataglay ko kay Cristo Jesus na ating Panginoon.