1 Cronica 10:6-8

Ang Biblia (1978)

⁶ Gayon namatay si Saul, at ang kaniyang tatlong anak; at ang ^(A)kaniyang buong sangbahayan ay namatay na magkakasama.

⁷ At nang makita ng lahat na lalake ng Israel na nangasa libis na sila'y nagsitakas, at si Saul at ang kaniyang mga anak ay patay, ay kanilang iniwan ang kanilang mga bayan at nagsitakas; at ang mga Filisteo ay nagsiparoon at nagsitahan sa mga yaon.

⁸ At nangyari nang kinaumagahan nang magsiparoon upang hubaran ng mga Filisteo ang nangapatay, na kanilang nasumpungan si Saul at ang kaniyang mga anak na buwal sa bundok ng Gilboa.