1 Cronica 26:16-18

Ang Salita ng Dios (Tagalog Contemporary Bible)

¹⁶ Ang pintuan sa gawing kanluran at ang pintuan paakyat sa templo^[a] ang nabunot ni Shupim at Hosa.

Bawat isa sa kanilaʼy may takdang oras ng pagbabantay: ¹⁷ Sa gawing silangan, anim na guwardya ang nagbabantay araw-araw, sa gawing hilaga ay apat, sa gawing timog ay apat din, at sa bawat bodega ay tig-dadalawa. ¹⁸ Sa gawing kanluran, apat ang nagbabantay, sa daanan paakyat sa templo ay apat din, at sa bakuran ng templo ay dalawa.