1 Jan 4:6-8

Nouvo Testaman: Vèsyon Kreyòl Fasil

⁶ Nou menm nou soti nan Bondye. Moun ki moun pa Bondye yo ap koute nou, men moun ki pa moun Bondye yo p ap koute nou. Epi se konsa nou ka distenge Lespri ki anseye verite a ak lespri ki anseye k ap bay manti a.

Lanmou soti nan Bondye

⁷ Zanmi m yo, se pou nou gen lanmou youn pou lòt, paske lanmou soti nan Bondye. Nenpòt moun ki gen lanmou nan kè l, se nan Bondye li soti. Li konnen Bondye. ⁸ Moun ki pa genyen lanmou nan kè l pa konnen Bondye, paske Bondye se lanmou.