1 Korentyen 12:22-24

Nouvo Testaman: Vèsyon Kreyòl Fasil

²² Okontrè, menm pati nan kò a ki parèt pi fèb la, se yon nesesite li ye pou kò a. ²³ Pati nan kò a ki parèt san enpòtans yo, se yo menm nou bay plis valè. Pati nan kò a ki dwe rete kache, se yo nou bay swen espesyal. ²⁴ Pati nan kò tout je ka wè pa bezwen tout swen espesyal sa yo. Bondye fòme kò a yon fason pou pati ki manke onè yo jwenn plis onè pase lòt yo.