1 Mga Hari 10:2-4

Magandang Balita Biblia (with Deuterocanon)

² Dumating siya sa Jerusalem na may kasamang maraming alalay at may dalang maraming kayamanan: mga kamelyo na may kargang iba't ibang uri ng pabango, napakaraming ginto at batong hiyas. At nang makaharap na siya ni Solomon, sinabi niya ang kanyang pakay. ³ Sinagot naman ni Solomon ang lahat ng kanyang tanong at wala ni isa mang hindi nito naipaliwanag. ⁴ Humanga ang reyna sa karunungan ni Solomon at sa palasyong ipinagawa nito.