1 Mga Hari 15:27-29

Ang Biblia, 2001

²⁷ Si Baasa na anak ni Ahia, sa sambahayan ni Isacar ay nakipagsabwatan laban sa kanya; at sinaktan siya ni Baasa sa Gibeton, na sakop ng mga Filisteo; sapagkat kinukubkob ni Nadab at ng buong Israel ang Gibeton.

²⁸ Nang ikatlong taon ni Asa na hari sa Juda ay pinatay si Nadab^[a] ni Baasa, at naghari na kapalit niya.

²⁹ Nang^(A) siya'y maging hari, pinagpapatay niya ang buong sambahayan ni Jeroboam. Wala siyang iniwan kay Jeroboam ni isa mang humihinga, hanggang sa kanyang malipol, ayon sa salita ng Panginoon na kanyang sinabi sa pamamagitan ng kanyang lingkod na si Ahias na Shilonita.